तो एक बाप असतो…

Mon, Dec 21, 2009

Fantastic Readers

तो एक बाप असतो…

शाळेपासून बापाच्या, धाकात तो राहात असतो,
कमी मार्क पडलेलं, प्रगतीपुस्तक लपवत असतो,
आईच्या पाठी लपून तो, बापाशी बोलत असतो,
डोळा चुकवून बापाचा, हुंदडायला जात असतो…

शाळा संपते, पाटी फुटते, नवं जग समोर येतं,
कॉलेज नावाच्या भुलभुलैयात, मन हरखून जात असतं,
हाती असलेले मार्क घेऊन, पायऱ्या झिजवत फिरत असतं,
बाप पाहतो स्वप्नं नवी, हे मुखडा शोधत असतं…

सुरू होतं कॉलेज नवं, दिवस भुर्रकन उडून जातात,
एटीकेटीच्या चक्रातून, वर्ष पुढे सरत जातात,
ग्रुप जमतो, दोस्ती होते, मारामाऱ्या दणाणतात,
माझा बाप ठावूक नाही, म्हणत धमक्‍या गाजत असतात…

परीक्षा संपते, अभ्यास सरतो, डिग्री पडते हाती याच्या
नोकरी मिळवत, नोकरी टिकवत, कमावू लागतो चार दिडक्‍या,
आरामात पसरणारे बाजीराव मग, घोड्यावरती स्वार होतात,
नोकरीच्या बाजारात मग, नेमानं मोहिमा काढू लागतात…

नोकरी जमते, छोकरी सापडते, बार मग उडतो जोरात,
एकट्याचे दोघे होतात, सुखी संसार करू लागतात,
दोघांच्या अंगणात मग, बछडं तिसरं खेळू लागतं,
नव्या कोऱ्या बापाला मग मात्र जुन्याचं मन कळू लागतं…

नवा कोरा बाप मग, पोरा सवे खेळू लागतो,
जुना बाप आता नव्याने आजोबाच्या कायेत शिरतो,
पोराशी खेळता खेळता दोघेही जातात भूतकाळात
एकाला दिसतो दुसरा लहान, दुसरा पाहतो गोष्ट महान…

रंगलेल्या गोष्टीत या, मग शिरतो फ्लॅशबॅक
बापाच्या भूमिकेतून, पोर पाहतो भूतकाळ
लेकरासाठी मग त्याला कळवळणारा बाप दिसतो,
त्याची लाल रेघ जो, उरात घेऊन फिरत असतो…

कडकपणाच्या आवरणाखाली, झुळझुळणारं पाणी असतं,
भल्यासाठी लेकरांच्या झगडणारं हाड असतं,
दोन घास कमी खाईल; पण पोरांना गोड देतो,
हट्टासाठी पोरांच्या ओव्हरटाईम तो मारत असतो…

डोक्‍यावरती उन झेलत, सावली तो देत असतो,
दणाणत्या पावसापासून, कुटुंब आपलं जपत असतो,
घर नीट चालण्यासाठी स्वतः बाहेर फिरत असतो,
आईच्या मऊशार तळव्यामागचा, तोच राकट हात असतो…

बाप कधी रडत नाही, बाप कधी खचत नाही,
बाप कधी उतत नाही नि बाप कधी मातत नाही,
पोरं सोडतात घरटं अन्‌ शोधू लागतात क्षितिजं नवी
बाप मात्र धरून बसतो, घरट्याची प्रत्येक काडी…

पोरांच्या यशासोबत त्याचं मन हसत असतं,
अपयश पचवताना, ते आतून रडत असतं,
काही झालं, कितीही झालं, तरी कणा ताठ असतो,
खचलेल्या पोराला तोच तर उभारी देत असतो…

सारी कथा समजायला फार मोठं व्हावं लागतं,
बापाचं मन कठीण फार, चटकन हाती लागत नसतं,
आकाशाहून भव्य अन्‌ सागराची खोली असते
बाप या शब्दाची महतीच मोठी न्यारी असते…

कळत नाही बापाचं मन स्वतः बाप झाल्याशिवाय,
बाप माणूस असतो तो, बापांशिवाय कसा कळणार?
असतं न्यारंच रसायन, त्याची फोड उकलत नाही,
म्हणून तर बापावर कविता कोणी करत नाही…

करणार कशी कविता कोण, तो त्यात मावत नाही,
चार ओळीत सांगण्यासारखा बाप काही छोटा नाही,
सोनचाफ्याचं फूल ते, सुगंध कुपित मावणार नाही,
बाप नावाच्या देवाचा, थांग काही लागत नाही…

केला खरा आज गुन्हा, त्याला थोडं शोधण्याचा,
जमेल तेवढा सांगितला, आधार आमच्या असण्याचा
एक मात्र अगदी खरं, त्याच्याशिवाय जमत नाही,
आई मार्फत बोललं तरी, बोलल्याशिवाय राहावत नाही…

सांगतो आता शेवटचं, कान थोडा इकडे करा,
पृथ्वी तोलून धरण्यासाठी, शेशाचाच लागतो फणा,
बाप नावाच्या पारिजातकाचं, असंच काहीसं जिणं असतं,
ते समजून घेण्यासाठी बापच असणं भाग असतं…

(फँटास्टिक फाईव्हचे वाचक अभिजीत थिटे यांनी त्यांच्या वडिलांच्या एकसष्टीनिमित्त केलेली कविता खास फँटास्टिक फाईव्हच्या वाचकांसाठी पाठवली आहे.)

No related posts.

, , , ,

This post was written by:

Reader - who has written 4 posts on Fantastic Five.


Contact the author

12 Comments For This Post

  1. sachin Says:

    मला काय सांगायच ते मी शब्दात नाहि व्यक्त करु शकत. समजुन घ्या.
    इतकी सुंदर कविता share केल्याबद्दल अनेक धन्यवाद.

  2. bhaanasa Says:

    अप्रतिम!

  3. mandar Says:

    I TAG you all FIVE on my blog..

    you guys are Awesome..

  4. Shweta Says:

    gr888… hatss off abhi kaka! masta jamliy kavita… :)

  5. sumita Says:

    va! farach surekh.

  6. savi Says:

    jabaradast kavita…… anakhi kaay sangu. dolyatun ashru vahu lagalet.
    hya kavitene mala balapanat khechun nele, na samajalela maza baba anakhi chhan samajaun sangitala.
    premala upama nahi ase mhanatat pan mi tar mhanen baba la upma nahi……
    great kavita

  7. Vidya Says:

    Sundar ahe kavita khup..

    aajvar aeevarchya khup kavita vachyal…

    baap ya vishyavarchi pahilyacnda itki sundar kvita vachyala milali….

  8. VISHAL JADHAV Says:

    this poem is very nice. i think this poem is teach everybady that WHAT IS FATHERS ROLL IN OUR LIFE. i think this poem teach evry child in school by book. can u please send to Marathi Language Study Center to publish it By Book. i thin Abhijit Thite Is very good poem maker he My GRAND SULOOT To THEM.
    THANK YOU ABHIJIT THITE ME TUMCHA RUNI AAHE.

  9. vishal bhope Says:

    tumhi keleli kavitha fharach changali aahe
    kharach savrach ai (mummy) sathi ullehkha karatata kadhi vhadilanch ullehkh ko ni ch karat nahi tya thikani mulanna vadavat asate jewadi mehanat tee karat asate tyahinahi jasta mehanat pappa ghet asatat
    thak kavitesathi

  10. Tanaya Says:

    excellent poem. truly meaningful.

  11. Anand Says:

    Apratim kavita

  12. मनमौजी Says:

    अप्रतिम….खुप सुंदर लिहली आहे!!

1 Trackbacks For This Post

  1. GuruVision » Blog Archive » बाप – १ कविता Says:

    [...] Comments अभिजित थिटे on बाप – १ कविताGuruVision » Blog Archive » आज [...]

Leave a Reply

Powered By Indic IME
This site is protected by WP-CopyRightPro